نكت جديدة 100 في 100

واحد غليض بزاف داز للفرماسيان باش يعبر، وهو تخرج ليه الورقة ديال الميزان مكتوب فيها: خوتي، واحد بواحد الله يخليكم


هدا واحد السبيطار ديال الحماق ديما إيلا جا الطبيب ف الصباح كايلقى الحماق مضروبين كلهم ف الجبهة ديالهم إلا واحد. واحد المرة دارو ليهوم كاميرا باش يشوفو أشنو كيوقع. ملّي جاو الغد ليه خدمو الكاسيطا الي تسجلات لقاو هاداك لي مامضروبش كيرسم للحماق واحد الخط ف الأرض وكيقول ليهم: الي داز تحت هاد الخط نعطيه 200 درهم


هادا واحد الطبيب غادي يولد واحد المرا عندها تلاتة ديال التوام خرج الولد اللول لقاه ناعس، وبدا كيضربو حتى فاق وحطو مشى خرج الولد التاني، لقاه حتى هو ناعس، ناض كيضربو حتى فاق وحطو
مللي مشى يخرج الولد التالت ما لقاهش، وهو يقول للفرملية صافي كملي نتي خدمتك راه غير جوج ولاد للي كاينين
غير مشى الطبيب وهو يخرج الولد التالت راسو بشوية وقال للفرملية: واش هاداك خينا اللي كيسرفق الدراري صافي مشى فحالو؟

واحد سول صاحبو: أشنو سمية رونالدينو؟
قال ليه: سميتو صالح
سولو صاحبو: وكيفاش عرفتيها؟
قال ليه: سمعت المديع ف الماتش قال خطأ لصالح رونالدينو

هادو جوج غاديين ف الغابة وهو يخرج ليهم سبع. ناض اللول ضرب السبع بحجرة كبيرة وهرب كيجري. شوية وهو يتلفت وراه وبان ليه صاحبو كاع ما كيجريش. قال ليه: وا مالك أصاحبي ماكتجريش؟
جاوبو صاحبو: وعلاش نجري؟ مالي أنا اللي ضربتو؟


هادا واحد شرى طوموبيل فيها كمبيوتر. كان غادي صايك وهو يقول ليه الكمبيوتر: إيلا فتي 90 ف السرعة غادي تدير كسيدة. الراجل تنفخ، زاد ف السرعة، عاود قال ليه الكمبيوتر: إيلا فتي 120 ف السرعة غادي تدير كسيدة. الراجل ناض زاد ف السرعة، والكمبيوتر كل مرة كيعاود ليه نفس الهدرة. غير وصلات السرعة 180، و هو يقول ليه الكمبيوتر: الله يرحم باك نزلني أنا هنا خلاص

ههههههههههههههههههههههههههههههه
نكت رائعة شكرا لك.

hhhh Noukta lawla zwiiina et Choukraane ^^