قصيدة زجلية : حرب الطرقان

شوفوا شوفوا السفاهة حرب الطرقان شلاها
شحال من روح مشات لمولاها
أفالقــــانــــون شكـــــــون داها
شوفــــوا السرعة القتالة شحال مشى فيها من دم
والنـــــاس فالزيغ مزالة حلفات حلفة مــــا تحشم
فالتأنـــــي السلامة مهجورة
فالعجلة النـــدامــــة منســية
الرزانة المطلوبة محصورة
والعلامـــــات ردموها حية
***
الطاسة والخمر المكبــوب شحال شـرى من مصايب
واللي بالنعاس ديما مغلوب يصيب راسو مقطع أذايب
أهــاك الرخصة فعمر صغير
شد صوك مـــــــــا كاين باس
الرشـــوة ودهــــن السير إسير
وخــــــــــــــى قــــــدام الناس
***
هذي هي حرب الطرقان اللـي دات رواح كثيرة
شيب أشبــــاب أصبيـــان أخلات مصــايب كبيرة
حرب الطرقـان متاهة
فيها مغربــــــي تالف
أُفالقانـون شكون داها
كولهـا لـــه مخـــــالف